गजर- श्री हरीची भजने
गजर
श्री हरीची भजने
।। १ ।।
टाळ घेऊ हाती विणा खांदयावरी।
विठ्ठलाच्या दर्शनाला जाऊ पंढरी, विठ्ठला-२-२... ।।
।। २ ।।
पिंपळाच्या पारी नामदेव । बसून किर्तन करी।
सोनियाच्या तारा विणा । हरिच्या खांदयावरी...।।
।। ३ ।।
विठ्ठलाला (विष्णूला) तुळशी। गणपतीला दुर्वा ।
शंकराच्या पिंडीवरती बेल। शोभे हिरवा...।।
।। ४ ।।
सत्यनारायणा । आलो तुझ्या दर्शना।
आलो तुझ्या दर्शना। पतित पावना। सत्यनारायणा...।।
।।
५ ।।
चंद्रभागेच्या तिरावरी। गजर होतो हरिनामाचा।
सावळा माझा उभा विटेवरी । पुंडलिकाच्या प्रेमाचा।।
।।
६ ।।
निवृत्ति ज्ञानदेव सोपान मुक्ताबाई । एकनाथाच्या घरी।
गोऱ्या कुंभाराच्या घरी देवाने। घडविल्या घागरी।।
।।
७ ।।
जय जय विठ्ठले। विठ्ठले विठ्ठले रखुमाई। सावळे विठ्ठले रखुमाई ।।
।। ८ ।।
विठ्ठल विठ्ठल रखुमाई विठ्ठल । करुया गजर...।।
तुकारामाचा विठ्ठल विठ्ठल । ज्ञानदेवाचा विठ्ठल... ।।
चांगदेवाचा विठ्ठल विठ्ठल । सोपानदेवाचा विठ्ठल...।।
मिराबाईचा विठ्ठल विठ्ठल । जनाबाईचा विठ्ठल... ।।
हरिदासाचा विठ्ठल विठ्ठल । जय दासाचा विठ्ठल विठ्ठल... ।।
।। ९ ।।
संतरुपी एक नगर । पाहूं चला पंढरपूर-२ ।।
पंढरपूर संतांचे माहेर। होतो हरिनामाचा गजर ।।
पंढरीला जाऊं। डोळे भरुनी पाहूं।
पाहूया विठ्ठल सावळां । चला जाऊ पंढरीला... ।।
।। १० ।।
गजानना गजानना गणराया। मुखाने गाऊं या मोरयां । ।
फळे फुले वाहूया पुजन करुयां। लाडूमोदकांचा नैवेदय दावूयां ।
भक्ती भावाने गणेशाला पुजूयां, मुखाने.... ।।
देव देवतांचा तू महाराजा। गुण किती गाऊं सदामुखी माझ्या ।
भक्ती भावाने गणेशाला वंदूया, मुखाने.... । ।
।। ११ ।।
गोविंद बोलो हरि गोपाल बोलो। राधा रमण हरि गोपाल बोलो।
जय नंदलाला जय जय गोपाळा। जय मनमोहन मुरलीवाला ।।
हरिभजनी मोर नाचतो अंगणी । पायाकडे पाहूनी।
पायाकडे पाहूनी नाचतो। पायाकडे पाहूनी, हरिभजनी ... ।।
।। १२ ।।
कुणी जाऊनिया सांगा । निरोप माझ्या विठोबाला ।।
डोळ्याने आंधळा पायाने पांगळा । कैसा येऊ तुझ्या दर्शनाला... ।।
आषाढी कार्तिकी एकादशीला। कैसा येऊ तुझ्या दर्शनाला... ।।
।। जय जय रामकृष्ण हरी। जय जय रामकृष्ण हरी।।
Post a Comment