जाहली गर्दी सुखांची चंद्रभागेच्या तिरी_संत तुकाराम महाराज अभंगा

 जाहली गर्दी सुखांची चंद्रभागेच्या तिरी

जाहली गर्दी सुखांची चंद्रभागेच्या तिरी

शोधण्या मग विठ्ठलाला देव आले अंबरी

टाळ चिपळ्याचा गजर ही गुंजला ध्यानीमनी

श्वास श्वासांना म्हणाले क्षेत्र पावन पंढरी

रुक्मिणीसंगे विठोबा ज्ञानदेवा भेटले

नाम घेता भक्त विठुच्या प्रेमरंगी रंगले

सोबती आहे तुकोबाच्या अभंगाचा गजर

पंढरीच्या वाळवंटी वैष्णवांचे सोहळे

रुक्मिणी ती एकटी कंटाळलेली मंदिरी

लेकरांची भेट घ्याया धावली रस्त्यावरी

वाळवंटी नाचणारे विठ्ठल बघुन साजिरे

खंत सारी विसरुनी मग शांत झाली अंतरी

मग दिठीला लाभली ब्रह्मनेत्रांची कळा

पंढरीच्या आसमंती मात्र उरला सावळा

माय रखुमा सिद्ध होई लेकरांना भेटण्या

काय सांगू थाट देवा दिव्य तोची सोहळा !

---

 आमचा लेख कसा वाटलं हे आम्हाला कंमेंट द्वारे नक्की कळवा 

|| धन्यवाद ||